बुढा–बुढी जीवनका मुहान
यी ज्ञानका खानी भनेर जान
गाऊ उनैको जति गुण गान
तिम्रो त्यति नै बढी राख्छ मान ।
दया उनैको तिमी हुर्किएको
माया उनैको तिमी फुर्किएको
उनले सिकाए तिमीलाई हिँड्न
उनले पठाए तिमीलाई पढ्न ।
होऊ तिमी झन् बलियो भनेर
खुवाउँछन् खुब कर धेर गरेर
अन्य आकर्षणहरू
सफा र राम्रो तिमीलाई पार्न
घिनै नमानी सब काम गर्न ।
आकाशमा बादल गड्गडाउँदा
सुनेर आवाज तिमी डराउँदा
च्याप्पै समाई मुटुमा लगाई
जोगाएको सम्झ बहिनी, भाइ ।
बुढा–बुढीको तिमी मान गर्नू
मद्दत तिमीले भरपुर गर्नू
धर्तिभरिका सब बृद्धलाई
मानेर सेवा गर है रमाई ।
Facebook Comments
