जाँचको बेला प्रश्न आउँदा
आफूलाई उत्तर कुनै नआउँदा
लगेको चिट पनि चोर्न नपाउँदा
भन के गर्ने ? आन्दोलन गर्ने ।
गोठ भरिभरि भैंसी पाल्दा
बर्षौं घाँस, भकारो गर्दा
कुनै भैंसी कहिल्यै नब्याउँदा
भन के गर्ने ? आन्दोलन गर्ने ।
बिहे गरेको बर्षौं बित्दा
सन्तानको मुख देख्न नपाउँदा
थाकेँ डाक्टर झाँक्री लाउँदा
भन के गर्ने ? आन्दोलन गर्ने ।
छानेर राम्री बिहे गरी ल्याउँदा
तैपनि अर्कैकी राम्री लाग्दा
मेकअप खर्च धान्न नसक्दा
भन के गर्ने ? आन्दोलन गर्ने ।
पूरै देशमा लक्डाउन लाग्दा
आफ्नै देशमा पस्न नपाउँदा
अन्य आकर्षणहरू
पस्नेले घर बस्न नपाउँदा
घर बस्नेले हिँडन नपाउँदा
भाइरस टेस्टको रिजल्ट नआउँदा
मृत्युपछि पोजिटिभ पाउँदा
भन के गर्ने ? आन्दोलन गर्ने
असार–साउन झरी पर्दा
बाढी, पहिरोले नोक्सान गर्दा
कता के, कता के, मेसो नपाउँदा
भन के गर्ने ? आन्दोलन गर्ने
पार्टी मिले नेता नमिल्दा
नेता मिले पार्टी नमिल्दा
कुरो मिले काम नमिल्दा
काम मिले दाम नमिल्दा
भन के गर्ने ? आन्दोलन गर्ने
देश प्रेमको हुट्हुटी लाग्दा
ब्यक्त गर्ने ठाउँ नपाउँदा
कसो के गर्ने थाहा नपाउँदा
भन के गर्ने ? आन्दोलन गर्ने
आन्दोलन गर्ने, आन्दोलन गर्ने !
Facebook Comments
