शत्रु कता छ?
सरकार आफ्नै छ,
थाहा चाहियो !
महंगी आफ्नै
अरु सप्पै आयात,
देश हाम्रै हो।
लोकतन्त्र रे !
भाग्-शान्ती पो भैरा’छ,
पालो अर्कैको !
भद्र भएर
के को भाग्थ्यो बाँदर,
बाली नष्ट भो !
खाली बाहिर !
आँखा भने ठीकै छन्,
यता देखेनौ?
अन्य आकर्षणहरू
जस् पाइएन ?
कसैको भलाइमा,
अन्तै खोजियोस्।
कर्तब्य आफ्नै
लुकामारी खेल्दैछ,
दोष अर्कैको !
ईमान्दारिता
यो सभ्य समाजमा
टाढाको कुरो !
घर शिशाको,
किन खोज्छौ मट्याङ्ग्रा ?
ताक्दै नताक !
Facebook Comments
