प्रेम जाम र ट्राफिक जाम

प्रेम जाम र ट्राफिक जाममा फस्नु उस्तै उस्तै
फसेपछि जसको पनि हालत् उस्तै उस्तै
न अगाडि बढ्ने ठाउँ छ न पछाडि सर्ने
वरिपरि जसलाई हेर उदास उस्तै उस्तै ।

आफ्नै बाहन घाँडो हुन्छ न टोक्नु न बोक्नु
भालुको कान समाए झैँ समाउनु न छोड्नु
झोंक चल्छ, रिस उठ्छ कोसँग त्यो पोख्नु ?
निरीह सब अनुहार निराश उस्तै उस्तै ।

छोड्छाड गरी हिँडौँ भने खुल्ला भन्ने आस
खुल्दै नखुल्ने पो हो कि, त्यो पनि त्रास
समातेर बसौं बेकार, बसौँ कति बेर ?
ट्राफिक जाम र प्रेम जाम दुवै उस्तै उस्तै ।