स्वतन्त्र मान्छे 

म खान्छु मीठो खाना, म मीठो मन पराउँछु 

नपाए म मीठो खान, आफै खाना पकाउँछु 

म सुङ्घ्छु वासना मीठो, सुगन्ध मन पराउँछु 

नपाए वासना सुङ्घ्न, आफैँ अत्तर बनाउँछु 

म सुन्छु मीठो सङ्गीत, म सङ्गीत मन पराउँछु 

नपाए सुन्न कतै सङ्गीत, आफैँ बाजा बजाउँछु 

म हेर्छु दृश्य सब सुन्दर,सुन्दरता मन पराउँछु 

नपाए हेर्न केही सुन्दर आफैँ चित्र बनाउँछु 

म छुन्छु कोमल सप्पै, कोमलता मन पराउँछु 

नपाए म कोमल छुन पानीमा गई नुहाउँछु 

मेरा ज्ञानेन्द्रीय जम्मै ज्ञानमा म लगाउँछु

ज्ञानमा सधैँ रम्दै ध्यानमा मन लगाउँछु ।