नेपालका अल्पसंख्यक दुरा समुदायको छाता संगठन दुरा सेवा समाजको काठमाडौंमा सम्पन्न चौथो राष्ट्रिय महाधिवेशले देवबहादुर दुराको अध्यक्षतामा सर्वसम्मत रूपमा नयाँ केन्द्रीय कार्यसमिति गठन गरेको छ ।
प्राप्त जानकारी अनुसार वरिष्ठ उपाध्यक्ष, उपाध्यक्ष, महासचिव, कोषाध्यक्ष र सचिवमा क्रमशः सुरेशकुमार दुरा, बलबहादुर दुरा, बुद्धिबहादुर दुरा, नरविना दुरा र इन्द्रजङ्ग दुरा चयन हुनुभएको छ ।
सदस्यमा धर्मराज दुरा, नरबहादुर दुरा, चन्द्रबहादुर दुरा, ओमबहादुुर दुरा, पदमबहादुर दुरा र दिलु दुरा चयन हुनुभएको छ ।
नयाँ कार्यसमितिमा लमजुङ, तनहूँ, चितवन, कास्की र काठमाडौं जिल्लाबाट एक-एकजना प्रतिनिधि मनोनित हुन बाँकी छ ।
असार ६ र ७ गते संस्थाको चौथो राष्ट्रिय महाधिवेश भएको हो ।
२०५१ सालमा स्थापित दुरा सेवा समाजको हालसम्म भक्तबहादुर दुरा, किशोर दुरा, लोकबहादुर दुरा र गोकुल दुराले अध्यक्षको रूपमा नेतृत्व गरिसक्नुभएको छ ।