परिसंवाद
सार्थक चेतनाका लागि परिसंवाद

सर्वत्र चर्चा

नेपालको अद्यावधिक नक्शासम्बन्धी संविधान संशाेधन प्रस्ताव प्रतिनिधिसभाबाट पारित

काठमाडौँ, जेठ ३१ । नेपालको सङ्घीय संसदको प्रतिनिधिसभाबाट नेपालको लिम्पियाधुरा, लिपुलेक र कालापानी समेटिएको अद्यावधिक नक्शा संलग्न नेपालको निशाना छाप सम्बन्धी संविधानको अनुसूची–३ संशोधन प्रस्ताव आज दुई तिहाईभन्दा बढी मतले पारित भएको छ । संसद्मा उपस्थित सबै दलले सर्वसम्मतिबाट विधेयकको पक्षमा लिखित हस्ताक्षर सहितको मतदान गरेका थिए ।

प्रतिनिधिसभाका कूल सांसद् सङ्ख्यामध्ये २७५ मध्ये आजको बैठकमा २५८ सांसद उपस्थित थिए । सदनमा मत विभाजन गरी मतदान गरिएको थियो । सबै सांसद्ले प्रस्तावको पक्षमा मतदान गरे भने विपक्षमा कुनै मत परेन ।

नेपालको निशाना छाप सम्बन्धी संविधानको अनुसूची–३ संशोधन प्रस्ताव खारेज गर्ने प्रस्ताव पेश गरेर र राष्ट्र बिरुद्ध बोलेर देशद्रोहीको छवि बनाएकी समाजवादी पार्टीकी समानुपातिक सांसद भारतीय चेली सरिता गिरी भने बैठकमा उपस्थित भए पनि उनको संशोधन प्रस्ताव सभामुखले अस्वीकृत गरेपछि मतदानअघि नै संसद्बाट बाहिरिएकी थिइन् ।

आजको बैठकमा मतदान गर्न पाउने विभिन्न दलका ११ सांसद  उपस्थित नभएका कारण तिनले मतदान गरेनन्  । ऐतिहासिक महत्वको आजको मतदानमा भाग नलिएका सांसदहरूको नामावली यस प्रकार छः

  • सत्तारुढ दल नेपाल कम्युनिस्ट पार्टी (नेकपा) का चार जना—  गोपालबहादुर बम, धनबहादुर बुढा, शिवकुमार मण्डल र हरिबोल गजुरेल
  • प्रमुख प्रतिपक्षी दल नेपाली काँग्रेसका तीन जना— जनागेन्द्रकुमार चौधरी, सूर्यबहादुर केसी र ज्ञान कुमारी छन्त्याल
  • राष्ट्रिय जनता पार्टीका तीन जना — अमृतादेवी अग्रहरी, प्रमोद शाह र दुलारीदेवी खत्वेनी
  • समाजवादी पार्टीका एक जना— सूर्यनारायण यादव
  • संसद्मा भाग लिन नपाउने निलम्बित चार सांसद्हरू— रेसम चौधरी, मोहम्मद अफ्ताव आलम, विजयकुमार गच्छदार र हरिनारायण प्रसाद रौनियार
  • सभामुखले कुनै प्रस्तावमा बराबरी मत खसेको अवस्थामा बाहेक मत दिन पाउँदैनन् ।

प्रतिनिधिसभाबाट सम्पूर्ण सदस्य सङ्ख्याको दुई तिहाई बहुमतबाट पारित भएको संविधान संशाेधन प्रस्ताव अब राष्ट्रिय सभामा प्रवेश गर्नेछ । त्यहाँबाट पनि दुई तिहाई बहुमतबाट पारित भएपछि राष्ट्रपतिकहाँ प्रमाणीकरणका लागि जानेछ र उनले प्राप्त भएको मितिले १५ दिनभित्र प्रमाणित गर्नुपर्छ । राष्ट्रपतिबाट प्रमाणीकरण लगत्तै संविधान संशाेधनले पूर्णता र बैधानिकता पाउने  प्रावधान नेपालको संविधानको धारा २७४ मा रहेको छ ।

नेपाली राष्ट्रियताको पक्षमा संसद्मा रहेका सबै दल एकै ठाउँमा उभिनुलाई सुखद् मानिएको छ । आजको दिनलाई नेपालको इतिहास रचिएको दिनको रूपमा चीरकालसम्म सम्झना गरिनेछ । अब नेपालको चुनौती भनेको भारतबाट अतिक्रमित भूभागमा भोगचलन कायम गराउनु रहेको छ ।

नेपालको अद्यावधिक नक्शासम्बन्धी संविधान संशाेधन प्रस्ताव प्रतिनिधिसभाबाट पारित

नेपालको अद्यावधिक नक्शासम्बन्धी संविधान संशाेधन प्रस्ताव प्रतिनिधिसभाबाट पारित

काठमाडौँ, जेठ ३१ । नेपालको सङ्घीय संसदको प्रतिनिधिसभाबाट नेपालको लिम्पियाधुरा, लिपुलेक र कालापानी समेटिएको अद्यावधिक नक्शा संलग्न नेपालको निशाना छाप सम्बन्धी संविधानको अनुसूची–३ संशोधन प्रस्ताव आज दुई तिहाईभन्दा बढी मतले पारित भएको छ । संसद्मा उपस्थित सबै दलले सर्वसम्मतिबाट विधेयकको पक्षमा लिखित हस्ताक्षर सहितको मतदान …
बाँकी पढ्न …

नेपालको नयाँ नक्शा सार्वजनिक

नेपालको नयाँ नक्शा सार्वजनिक

काठमाडौँ, जेठ ७ । नेपाल सरकारले भारतद्वारा अतिक्रमित नेपाली भूमि लिम्पियाधुरा, कालापानी र लिपुलेक समेटिएको नेपालको नयाँ राजनीतिक र प्रशासनिक नक्सा आज दिउँसो सार्वजनिक गरेको छ । भूमि व्यवस्था मन्त्री पद्मा अर्यालले पत्रकार सम्मेलन मार्फत् अद्यावधिक नयाँ नक्शा सार्वजनिक गर्नुभएको हो । यो नयाँ नक्शा …
बाँकी पढ्न …

भारतलाई प्रधानमन्त्री ओलीको प्रश्नः सत्यमेव जयते कि सिंहमेव जयते ?

भारतलाई प्रधानमन्त्री ओलीको प्रश्नः सत्यमेव जयते कि सिंहमेव जयते ?

यथार्थमा भन्ने हो भने राणा शासनको समाप्तिको लगत्तैपछिदेखि उत्तरी चेकपोष्टमा लगेर एकापट्टिको छिमेकीको सेनाअर्कोपट्टिको छिमेकीको बोर्डरमा लगेर राख्नेखालको अशोभनीय, मन्त्रिपरिषद्को बैठकमा अर्को देशको राजदूत ल्याएर, उपस्थित गराएर बैठक गर्ने खालको अशोभनीय काम भयो । १७ वटा चेकपोष्ट उत्तरतिर राखिए । राष्ट्रियता कमजोर हुने, हाम्रो स्वाभिमान …
बाँकी पढ्न …

राष्ट्रियता सत्ताको सौदावाजी होइन

राष्ट्रियता सत्ताको सौदावाजी होइन

मातृभूमि जति पवित्र धर्ती अरु कहीँ हुँदैन । त्यही पवित्र धर्तीमा कसैले दाह्रा गाड्छ भने धर्तीपुत्रको मन कति दुख्ला, वर्णनका लागि शब्द नै छैनन् । अहिले आम नेपालीहरूको मनोदशा ठीक यस्तै छ । कालापानी क्षेत्रमा भारतले नेपाली सार्वभौमसत्तामाथि धावा बोलेको छ । ठूलो नेपाली भूभाग …
बाँकी पढ्न …