बाल कविता – शान्ति गीत गाऊँ

आऊ साथी हामी सबै लुम्बिनीमा जाऊँ

बुद्ध जस्तै ज्ञानी भई शान्ति गीत गाऊँ ।

चित्त शुद्ध बोली बुद्ध हामी दाजुभाइ

मनमा पीर पार्नु हुन्न कोही कसैलाई ।

झुटो बोल्नु महा पाप ठगी खानु पाप

परिश्रमी मानिसलाई ईश्वरको साथ ।

मानवता धर्म ठुलो दुखी सेवा गरौँ

दिलमा कतै घाउ भए वचनले भरौँ ।

हत्या हिंसा बन्द गरौँ शुभ भाव सोचौँ

हाम्रो धर्ती फूलबारी हो हराभरा पार्छौँ ।

शान्त चित्त शान्त भाव विश्व शान्ति गाउँ

बुद्ध जस्तै बनौँ हामी शान्ति गीत गाऊँ ।