सबै वामपन्थी भए हामपन्थी
कुराका सिपालू, छलछामपन्थी
उकालो छ बाटो, छ गन्तव्य टाढा
न राँको न पुल्ठो, दिशाहीन पन्थी।१
यसो गर्छु भन्थे, उसो गर्छु भन्थे
न भाँचिन्छ सिन्को दयारामपन्थी।
बनाए ठूला बङ्गला आलिशान
उनै सर्वहारा भए दामपन्थी।२
थिती, धर्म, संस्कार मासे, जलाए
यिनैका जुरा, सिङ, दाह्रा पलाए।
जुँघाको लडाइँ छ ऐले नराम्रो
कुराको छ बेपार, हल्ला चलाए।३
टुट्यौ धेर चोटी, फुट्यौ धेर चोटी
जुनी जान लाग्दा जुट्यौ एक चोटी।
तिमी नाङ्गिँदा शर्म लाग्यो मलाई
टिपी लाऊ प्यारा झरेको लगौटी।४
Facebook Comments