परिसंवाद
सार्थक चेतनाका लागि परिसंवाद

बुढ्याइँ दुखेको छ मेरो !

बुढ्यौली साहित्य शृङ्खला -१८

बडो दुःखले आर्जिएको छ जेथा
खपेका अनेकौं थियौं पीर बेथा
उठेका निकै नै थिए धेर ठेला
गरेका सबै काम धन्दा र मेला ।१

 

पहाडी गरामा सधैं खोस्र माटो
उकाला र ठाडा सधैं हिँड्न बाटो
समस्या सधैं चाङ पर्दै खडा छन्
हिजोआज भोग्छौं निकै नै कडा झन् ।२

 

कविता

छन्द : भुजङ्गप्रयात
भयो देह यो शुष्क झन् आजभोलि
तिमी निम्ति सुक्का बनायौं परेली
वृथा ज्यानको ताडना पो गरेछौँ
अरूकै बनेको छ बेकार भा छौँ ।३

 

सिँडी उक्लनै पर्छ गाह्राे असाध्यै
कटी कट्कटी गर्छ जाने परानै
म पानी पुगाऊँ उकालो छ ठाडै
निकै नै छ पीडा दुखेको छ ढाडै ।४

 

बिहानै नुहाएर पानी न बोकी
कहाँ बन्छ खाना म आफैं न जोती
र भान्सा उतार्ने सबै बन्द बस्त
खुदै गर्नु पर्ने सबै सुत्न मस्त ।५

 

भए म्लेच्छ जस्तै सबै सर्बहारी
जुनै खाद्य खान्छन् न केही विचारी
बुहारी बनेकी सबैकी पियारी
यता भात भान्सा म गर्दै छु फेरि ।६

 

अन्य आकर्षणहरू

हाम्रो गणतन्त्र कस्तो होस् ?

बाल कविता – शान्ति गीत गाऊँ

काम केही हुँदैनन्

सन्तान यस्ता न दे

भेट्न आए मलाई

न गर्छन् कुनै रीत संस्कार निष्ठा
न राख्छन् कतै इज्जतादि प्रतिष्ठा
विकासे जमाना भने दौडिएर
सबै झोलका मोलमा पौडिएर ।७

 

कुनै जात भातै भनी गर्छ खेदो
कुनै जाँच्न थाल्छन् यही हो हलेदो
म दोधारमा खै निकै दुःख पाएँ
अहो धान्न गाह्रो बडा कष्ट पाएँ ।८

 

सबै जात औ धर्म एकै म मान्छु 
सबै साथ जाऊँ मिली लौ न भन्छु 
कहाँ हुन्छ यस्तो भनी भाग्छ कोही
हुनैपर्छ भन्दै अडेको छ कोही ।९

 

बहाना यिनै भातका जातका छन्
यिनै नै समस्या निकै नै कडा झन्
म बाटो समाऊँ कता कौन फेरो
त्यसैले बुढ्याइँ दुखेको छ मेरो ।१०

 

कुनै काममा साथ दिन्नन् बुहारी
भने देखि चल्ने छ गाली जुहारी
पकायो खुवायो मिठो छैन भन्छन्
उता बाहिरै टन्न खाएर फिर्छन् ।११

 

म आफ्नो कुरा राख्न सक्ने कहाँ छु
समस्या सयौं चाङमा छन् खडा छु
सबै थात बासै दिँदा नाम तिम्रो
न बस्ने न छोड्ने भयो हाल हाम्रो ।१२

 

(७० वर्षीया पन्डितनी बज्यैको गुनासो )
Facebook Comments