कोरोना जंग

उवानबाट कोरोनाले शुरु गर्यो जंग
नयां वर्ष उत्सव पनि भयो त्यसै भंग
चीनीया ती जन्ताहरु उत्सवमा थिए
एक अर्कामा भविश्यको आशिष बाढ्दै थिए ।

सुरु दिनमा प्रशासनले हल्का संग लियो
साम्यवादको विरोध भनी त्यसै पन्छाइ दियो
डाक्टर वेनलिङ कोरोनाको उपचारमा थिए
सेवा गर्दा गर्दै आफ्नो जीवन वली दिए ।

उवान भित्र सबैतिर भाइरस डुल्नु डुल्यो
सरकार र प्रशासनको बल्ल निन्द्रा खुल्यो
बन्द भए यातायात गाउ शहर बस्ती
बन्द भयो उवान सारा सबै तिर गस्ती ।

कति मरे होनहार लाउलाउ खाउखाउ भन्ने
कति फसे संक्रमित भै बाकी दिन गन्ने
तिनको सेवा रातोदिन गर्ने योध्दाहरु
मामारीको रणभूमीमा लड्ने योध्दाहरु ।

उर्दी आछ बाहिर कतै नजानु है भिडमा
उर्दी भाछ स्वास्थ्य सेवी जानु पर्छ काममा
अस्पताल भो रण मैदान सबै सेता आर्मी
नमन छ है संसारका सबै स्वास्थ्य कर्मी ।

विरामीको रेखदेख गर्ने स्वास्थ्य सेवीहरु
जीवन रक्षा खातिर लड्ने वीर योध्दाहरु
ज्यानको जोखिम उठाई लड्ने वीरंगनालाई
सलाम गर्छु नमन गर्छु जोडी दुई हातलाई ।

कोही बाच्छन आफु मात्रै कोही अरुको लागि
अग्रपंक्ति जुधीराछ मानवताका लागि
शहीद भए वेनलिङ अनि संक्रमित छन कति
उपचारमा जुटे सबै स्वास्थ्यकर्मी जति ।

कोभिड १९ माहामारी संसार भरी छायो
सभ्यताको इतिहासमा कालो दिन आयो
कस्तो रोग होला यस्तो रोगी भेट्न हुन्न
आफ्नो प्यारो मान्छेलाई छुन सम्म हुन्न ।

युरोप देखि अमेरिका कोही बाकी छैनन
अफ्रिका र एसियामा झनै खाली छैनन
विकासको उच्चाईलाई यस्ले धावा बोल्यो
मानवताको गहिराईलाई यस्ले नाप्न खोज्यो।

(कोरोना भाइरसको माहामारीमा फ्रन्टलाइनमा काम गर्ने स्वास्थ्यकर्मीहरू प्रति समर्पित ।)